‘तपाईँ को हो ‘? भन्दै मधेसी युवाले लेखे सिके राउतलाई पत्र

लगातार राष्ट्रिय अखण्डताविरोध अभिव्यक्ति दिँदै आएका सिके रावतले पहाडी क्षेत्रबाट तराई झर्ने युवतीबारे गैरजिम्मेवार टिप्प्णी गरेपछि थप आलोचित बनेका छन् । नागरिकस्तरबाटै उनले दिँदै आएको अभिव्यक्तिको विरोध भइरहेको मात्रै छैन । उनीमाथि कारबाही हुनुपर्ने आवाज समेत उठ्दै आएको छ । हिमाली र पहाडी क्षेत्रबाटमात्रै होइन मधेसबाटै राउतको विरोध भइरहेको छ । उनको अभिव्यक्तिको विरोध गर्दै मधेसी युवा बिकास कुमार ठाकुर रावतलाई एक पत्र लेखेका छन् ।

तपाई किन बुझ्नुहुन्न? हजारौ मधेशी युवाको चाहना ।
हामीलाई मधेशी हुनुमा धेरै गर्ब छ तर त्यो भन्दा पनि बढी नेपाली हुनुमा र हुनु पनि पर्यो । तर तपाई कहिले नेपाल आमालाई ‘रण्डी’ भन्नु हुन्छ त कहिले पहाडी दिदि बहिनीहरुलाई आखिर किन त? के उनीहरु जस्ता हाम्रा दिदि बहिनी छैनन त? के पहाडीहरु संग लेख्ने र बोल्ने आँट छैन त? पक्कै पनि छ तर तपाईको जस्तो संकीर्ण सोच छैन वहाहरुको ।
नेपालमा संघीयता जरुरी छ र हुनुपर्छ । देश बिकाश एबम सम्पुर्ण उत्पीडीतहरुको अधिकारको सुनिश्चितताको लागी संघीयता जरुरी छ । स्व. गजेन्द्र नारायण सिंहले सुरु गर्नु भएको संघीयताको मुद्धा आज देशको मुद्धा बनेको छ र हामी धेरै आगाडी पनि बढिसकेका छौ । तपाईको स्वतन्त्र मधेशको मागले गर्दा संघीयता लाई पनि धेरै असर परेको छ ।
मलाई एउटा कुरा जान्ने ईच्छा छ धेरै दिन देखी कि तपाई को हुनुहुन्छ ? तपाईको राजनीतीक ईतिहास के छ त? तपाईको राजनीतीक अनुभव के छ त?
मैले थाहा पाए अनुसार तपाई पि.एच.डी गर्नुभएको छ र बिदेशमा बैज्ञानिक हुनुहुन्थ्यो । हामीलाई तपाईको शैक्षिक बौद्धिकतामा पनि धेरै गर्ब लाग्छ कि हाम्रो मधेशमा यस्ता पनि बौद्धिकता भएका ब्यक्तिहरु छन भनेर तर घृणा छ तपाईको स्वतन्त्र मधेशको संकिर्ण सोचले गर्दा ।
अर्को कुरा के तपाईलाई कसैले अझक्कै हेर्दा मधेशी भन्न छन त? के तपाईको हुलिया छ त मधेशी जस्तो? पक्कै भन्दैन किनकी तपाई मधेशी हुनु नै हुन्न । नामको पछाडी राउत जोडिएर मात्र मधेशी हुन्न? हामी मधेशीको बेग्लै पहिचान छ तर त्यो पहिचान तपाईमा झल्कदैन ।
२/३ बर्ष पहिला बिदेशबाट आएर स्वतन्त्र मधेशको मागलाई आगाडी बढाएर नेपाल वा मधेशको राजनीतीक बृतमा आफुलाई चर्चित बनाउन सफल हुनुभयो र मधेशका कर्णाधारहरु (मेडिकल, ईन्जिनियरिङ र राजनीती क्षेत्रमा रहेका) लाई आफुतिर आकर्षित गर्नुभयो । आफु चाही नेता हुने बिशेष शक्तिको ईशारामा बिभिन्न राजनीतीक अराजक गतिबिधिहरु गर्न ती युवाहरुलाई प्रयोग गर्नाले के ती युवाहरुको भबिश्य उज्जवल छन त?
अहिलेको अबस्थामा मधेश स्वतन्त्र भई नै हाल्यो भन्ने कहा पढछन त्यहाका बालबालिकाहरु, कहा उपचार हुन्छ हाम्रा मधेशी जनताहरुको, कुन सडक भएर हामी छिटो भन्दा गण्तब्यमा पुग्छौ । के छन त हामी संग राम्रा बिधालय, अस्पताल, सडक पक्कै छैन । के तपाईलाई मधेशको मसीहा बनाउन मात्रै स्वतन्त्र मधेश हुनुपर्यो ?
तपाई याद गर्नुस त कि जुन बेला तपाई स्वतन्त्र मधेशको कुरा गर्नु भो, जुन बेला तपाई जेलमा जानु भो, त्यो समयको जनसमर्थन र आजको मा कति फरक छ । आखिर किन घटयो त? बिचार गर्नुस ।
के तपाई वा तपाईको परिवार एबम् स्वतन्त्र मधेश गठबन्धनका सदस्यहरु नेपाली नागरिकता त्याग्नु भएको छ वा जलाउनु भएको छ । यदि छैन भने जलाउने वा त्याग्ने हिम्मत छ त?
स्वतन्त्र मधेशको कुरा गरेर नेपाली भनेर पहाडी समुदायलाई गाली गर्नु हुन्छ यसको असर के हुन्छ भन्ने थाहा छ त ? तपाईको यो संकीर्ण सोचले गर्दा काठमाँडौमा बसेर दैनिक जीबनजीबीका चलाई रहेका मधेशीहरु, बिभिन्न काँलेजमा पढिरहेका भाईबहिनीहरु के असर पर्छ भनेर सोच्नु भएको छ?
हाम्रोतर्फबाट हजुरलाई बिनम्र अनुरोध छ कि यो स्वतन्त्र मधेशको आन्दोलनलाई रोकेर त्यस आन्दोलनमा भइरहेको खर्च मधेश बिकाशमा लगाउनुस । मधेशमा सडक, बिधालय, अस्पताल बनाउनुस तपाई आपरुपी मधेशको नेता बन्न सक्नु हुन्छ, मधेशको मसीहा बन्न सक्नु हुन्छ ।
काम गर्नुस, अराजकता न फैलाउनुस, बिकाशमा केन्द्रित हुनुस ।

अध्यक्ष, हिन्दु युवा जनशक्ति संघ-नेपाल
काठमाँडौ ।

source:- Zesthakhabar